Við hagnýtum gervigreind fyrir atvinnulífið
Sprotafyrirtækið Snjallgögn ehf. er tíu manna hugbúnaðarhús í Reykjavík, sem þróar fjölbreyttar gervigreindarlausnir fyrir atvinnulífið. Meðal viðskiptavina fyrirtækisins í dag eru Arctic Adventures, Bónus, Blue Car Rental, Brimborg, Elko, Nova, RARIK og Skatturinn. Fjárfestar að baki Snjallgagna eru Founders Ventures, MGMT Ventures, Tennin, Icelandic Venture Studio og Bright Ventures.
Sagan
Söguna má rekja aftur til ársins 2018 þegar Stefán Baxter, sem frá 2011 hefur unnið að hagnýtingu gervigreindar til að bæta rekstur fyrirtækja, stofnaði Snjallgögn. Í upphafi var leitað allra leiða til að frelsa gögn - að opna og gera aðgengileg almenningi.
2020 fær fyrirtækið inni í Supernova viðskiptahraðalinn með eitt af hugarfóstrum stofnandans, Quick Lookup. Öflugur hópur vann hörðum höndum að opnun gagna fyrir fjöldann.
Verkefnin “Þekkingargraf fyrir gagnavísindi og gervigreind” og "Sjálfvirk einræðinging íslenskra sérnafna" hlutu náð fyrir augum Tækniþróunarsjóðs og Markáætlunar í tungu og tækni árin 2020 og 2021.
